laderafbeelding

KVO SONGS ZING MEE MET KVO OLÉ

Alleez alleeez alleeeez (*2),
zing allemaal eens mee….
voor KVO oleee.

Op de vissemarkt zienk ik geboren
Op de vissemarkt zienk ik gekend
Zonder vis ton loop ik verloren
Mor me vis zien ‘k ik kontent
‘k lezen noois gin boek of gazette
Politiek lappe’k ik in den hoek
En al mosten ze de weireld verzetten
‘k vagen aan alles vierkante me broek
Mor ols de vis te diere is
Loopn ik met buts of hoarink
E ploate of e kabeljouw
Da is me leven
Nog noois van sedert
Ik zien getrouwd
Loop ik buuten de schreeve
Ik leuren oltied met me karre
Langst de stroaten
En t’komt toch zo schoone uut me moend
Vesche ploaten
‘k en ook gin schrik van de koede
‘t mag regenen of vriezen dat ‘t krakt
Gin onweer kan ‘t er me tegenoeden
‘ken altijd mijn roende gemakt
Zetten ze mien soms in een colère
Ols ter eenen te vele ofbied
Me mien toenge kan ‘k ik mien verwèèren
Zeg menschen, peis je dak ik ‘tal en voe niet
Mo das toch miene bonheur
Oltied al op me wegen
Een ploate of een kabeljouw
Dat is mijn leven
Nog noois van sedert
Ik ben getrouwd
Loop ik buuten de schrèève
Ik leuren altijd me mien karre
Langs de stroaten
En ‘t komt toch zo schoone uut me moend
Vesche ploaten
Niemand ka ter tegen mien roepen
Zukn schone stemme dan’k ‘en
Over ‘t latst deed er ene in me soepe
Dank e mislukte chanteuse zien
Mo mien vis da wil ik nie derven
Als ik er aan peisen, mijn hertje doe zèèr
En als moest ik kommen te sterven
‘k vragen dat ze een stokvis
In mien kiste stèèkn
Mo geen sprot of geen hoarink
‘k en ton nog liever e lekkre poalink
Een ploate of een kabeljouw
Dat is me leven
Nog noois van sedert
Ik ben getrouwd
Loop ik buuten de schrèève
Ik leuren oltijd me me karre
Langs de stroaten
En ‘t komt toch zo schone uut me moend
Vesche ploaten

(werd indertijd samen met het volgende gezongen…)
Wieder en e ploegjse, wieder en e ploegsje, wieder en e
weireldploegjse
Een, Twee, Een Twee, Drieje
KaaVee makt e golletje, KaaVee makt e golletje, KaaVee makt e
golletje
La La La La

Komt alhier met dien bolle,
Tis alhier daje moe zien,
Komt alhier met dien bolle,
En gif nog e pintje voe mien
(3x)

Chalalala, lalala
Chalalala, lalala
Chalalala, lalala
KVO Forever

Wieder en de zèe, en gieder nie
Wieder en e strange, en gieder nie
We zien ‘t endn van d’oatostrade, en gieder nie
Wieder stienkn noa vis, en gieder nie
Links van uus de Panne
voe rechts van uus te Knokke(n)
We zien de Keuninginne
Wieder en KV, en gieder nie
Rood geel groen, en gieder nie
Alber in ze park, en gieder nie
Ostende kampioen, en gieder nie
Met elven in den aanval
We zien de Keuninginne
KV!KV!KV! lalalaa lalalalaa lalala lalalaa (radiostem: moet er dan nog
zand zijn!)
Wieder en gin nekke, en gieder wel
Gin Mbo Mpenza nodig, en gieder wel
gin stienkend spermascheete, en gieder wel
Wieder èn preuteleute, en gieder nie
We speeln beter joar up joar
In de douches met elkoar
We zien de Keuninginne
En gieder nie!

Gie zie m’n zeekapiting
Gie bluf m’n zeekapiting
Al ej geen zelveren strepen op je mouwe
Al zien joe nagels oltied in de rouwe
Al ej geen klakke vul met goed
’t es joen posteure die ’t em doet
Gie zie m’n zeekapiting
Gie bluf m’n zeekapiting
En da goj bluven toe m’n latste sing
’t Es al lang geleen,
Zeg wit je ’t nog
Daar in de nieuwe zoale
Ze stoend er nog
Ik woaren iedre zundag
Joen keppe meer en meer
Maar ’s maandags was ’t weer voaren
En da dee zeer
En achter ’t latste dansje
Ej me vastgepakt
Gelijk een trutse mussels
Zo stoenden we geplakt
Je keek gie in mien ogen
En ’t spel begost
En dat e ton mien hertje gekost
Gie zie m’n zeekapiting
Gie bluf m’n zeekapiting
Al ej geen zelveren strepen op je mouwe
Al zien joe nagels oltied in de rouwe
Al ej geen klakke vul met goed
’t es joen posteure die ’t em doet
Gie zie m’n zeekapiting
Gie bluf m’n zeekapiting
En da goj bluven toe m’n latste sing
De jaren zien gegoan
En da ging rap
De enen dag was schat,
Ton weer aan de kap
Gie meister op joen schuute
Ik boas aan mien fornuus
Gie voarde voor de kluten
Ik blave thus
Nu goj gie met pensioen
En da ga joen nie mee
Want nu zie ’k ik de schipper
En gie zie mien kadee
Moa kiek je in mien ogen
liek vroegeren tied
zo weet ik dat je me nog geiren ziet
Gie zie m’n zeekapiting
Gie bluf m’n zeekapiting
Al ej geen zelveren strepen op je mouwe
Al zien joe nagels oltied in de rouwe
Al ej geen klakke vul met goed
’t es joen posteure die ’t em doet
Gie zie m’n zeekapiting
Gie bluf m’n zeekapiting
En da goj bluven toe m’n latste sing

Bie us an ‘t zeetje
Is er veel plezier
We drinken zo geeren
A schumend pintje bier
Gif us mor e volsje
Bie ‘t accordeon
Of soms ook een frotter
Of e charleston
Hier kan je nog zingen
Van de wind en de zee
En op ieder kateie
Is ‘t er plekke voe twee
Bie us an ‘t zeetje
Vliegt de tijd voorbie
Want hier an het zeetje
Zien we der geeren bie
‘k en overal geweest
‘k en overal gereisd
‘t was butter bie de vis
Mor ‘k bluven toch noois
Voer altied akkoord
Os’t nie an ‘t zeetje is

Geliek wuffer klasse
der is gin èèn da me nie in passen
Schuuf mor op
wieder moe na de top
Ook al is ’t twientig tegen èèn
op betty boop en al die schève
Zet mor in
wieder gan winnen
Zoender te wiln stoefen moa
je meug junder bluuvn oefenen
Junder nivo
komt toet an uuze toog
(Tsjing!)
Soms te loate, soms te vroeg
moa voer oaltied e wèreldploeg
Gif uus die bolle
we spelen z’ollemolle
nar huus!

Want ‘t is mor èèn
an de zèè
op uus nivo
tis KVO

Want ‘t is mor èèn
an de zèè
op uus nivo
tis KVO

We gan gin spelers noemen
want voo da ‘j t wit zien ze voe miljoenen
versjast menèèr
were een toptransfer (…nor anderlecht ;))
Ma das nie erg want met die sings
trainen me oostendenoars op uuze plings
toet kampioenen
Je moet’ ma doen!
En emme ki een slicht seizoen
‘T overkomt de beste, zeg me ton
In goeie en slichte tiedn…
bluuven we ziengn!
Èèn… twèè… drieje…

Want ‘t is mor èèn
an de zèè
op uus nivo
tis KVO (x4)

Kvo… Kvo…
Wieder vant zeetje zien de beste!
Kvo… Kvo…
Tscheelt een veste bie de reste!
In uze mannen zit er nog poer,
gif mo sjette gif mo snoer!
Kvo… Kvo… Wieder vant zeetje zien de beste!
Alli alli schopt em derin!
Das altijd goed voer ut begin, ewe de puntjes weer te pakken gowe
eki lekker deure zakken!
Kvo… Kvo…
Wieder vant zeetje zien de beste!
Kvo… Kvo…
Tscheelt een veste bie de reste!
In uze mannen zit er nog poer gif mo sjette gif mo snoer!
Kvo… Kvo…
Wieder vant zeetje zien de beste!
We zien de mannen ut een stik! Van niemand ewe wieder schrik!
En sloat de uitslag een ki tegen drink ton desnoods een pintje of
negen!
Kvo… Kvo…
Wieder vant zeetje zien de beste!
Kvo… Kvo…
Tscheelt een veste bie de reste!
In uze mannen zit er nog poer gif mo sjette gif mo snoer!
Kvo… Kvo…
Wieder vant zeetje zien de beste!!!

Rood geel groen forever
Rood geel groen moet zien
Tzien de kleuren va de ploeg woa damme supporte van zien,
Hey, hey, ziej je nog gin supporter,
Komt er mo zere bie,
W’ en der nog vele vele tekort en voer us mesant da nie

KVO’s my sunshine
My only sunshine…
It makes me happy, when the skies are grey…
You’ll never know dear,
how much I love it…
Please don’t take my KVO away…
lalalalaa….

NEEM CONTACT OP
VOLG KVO OP SOCIAL MEDIA
nl_NL